台語若欲傳，咱著四常講。
最好的傳承，就藏在日常裡。

咱蹛市內大漢，講母語較頇顢。咱欲講母語嘛講無路來，揣無人講，逐項都無拄好。咱平常時仔若無咧講台語，共台語當做珍寶送去博物館收藏，囥佇見本櫥鎖起來，按呢著無通。

若是，咱用台語過日子？

梓書房《台語好過日》計畫在2026年，規劃20場課程和活動，分做四大主題：好食hó-tsia̍h、好聽hó-thiann、好耍hó-sńg、好學hó-o̍h。

逐場活動攏佮咱生活情境真合用，參加活動浸佇台語環境，那耍那講自然就會曉。落尾，書店欲辦一改「台語市仔」，邀請逐家做伙鬥鬧熱，用咱拍拚的成果打造做母語的好日子。